Nnyinimu Ssaabasajja Kabaka Ronald Muwenda Mutebi II alabudde Obuganda ku bantu abavvoola Nnamulondo. Omuteregga agamba nti bannakigwanyizi bano Obuganda bugwana okubeegendereza.
Bino bibadde mu bubaka bwa Magulunnyondo eri Obuganda ku mikolo egy’okujjukira bwegiweze emyaka 31 bukya atuuzibwa ku Nnamulondo ya bajjajja be, nga giyindidde mu lutikko e Namirembe era ng’obubaka bwe abuwadde asinziira mu Lubiri lwe olw’e Nkoni mu Buddu ne buweerezebwa butereevu ku mutimbagano.
Omutanda ayogedde ne ku mbeera ye ey’obulamu n’akalaatira Obuganda okuba obuwulize eri Namulondo.
